احبك ليه تجرحني
يمر العمر بي غربة ولا حد يواسيني
تدري ما وفا معي بدربي غير دمعاتي
تمنيتك وطن عمري وكلك بيت يلفيني
أثاريه أصبح المنفى وماتت فيه عبراتي
سراب غر بعيوني تخيلته يناديني
عطشت ومالقيت الماء ولااشرب غير حسراتي
أعض من الندم ثوبي وأصرخ ليتك تجيني
تشوف بحالي وش سوا حبك الساكن بذاتي
أحبك ليه تجرحني ولاتفكر تداويني
وليه تحب تعذيبي ويريحك صوت وناتي
أنا والله حبيتك بقلبي وكل ما فيني
وتمنيتك تبادلني دموعي وبسماتي
تمنيتك تحس بشوقي وتقرا اللي وسط عيني
تمنيتك تحس فيني يا سبة معاناتي
تمر أيام تنساني أقول اليوم بتجيني
وكل ما طوّل غيابك تزيد بقلبي آهاتي
وأخلق لجلك الأعذار أسامح يامعنيني
وأكابر وامسح دموعي أصبرها بكلماتي
ألملم بعدك شتاتي وأداوي جرحي بيديني
وأحط الملح بجروحي وأنت تزيد طعناتي
ما فاد الرجا وياك خسارة ضاعت سنيني
مع تحياتي \ منتديات فادي
